A Madònna co-o Banbin do pitô Lorenzo Fasolo a Santa Maria de Castéllo

di Lorenzo Bisio, storico de l’arte

Questo afresco destacou provegnê da-o destrûto conplesso de San Domennego scitoòu inta ciassa De Ferrari, donde òua l’è prezente o Tiâtro Carlo Felice.

O Muniçipio de Zena o l’aveiva consegnou a-i Fratti Domenichen de Santa Maria de Castello into milleuttoçentonovantequattro.

O l’è stæto colocou inta contrafaciâta da gêxa a mancinn-a do portâ de ingresso e o l’è stæto atriboîo a-o pitô paveize Lorenzo Fasolo e a-o figgio Bernardino, artisti tanto atîvi in Liguria menbri da comunitæ de pitôi de coltûa rinascimentale lombarda che travagiâvan a Zena e pe tutta a region.

Into millequattroçentonovanta conparê ne l’elenco di pitôi che travagiâvan a-o Castello Sforzesco de Milan inte l’òcaxon di maiezzi de Ludovico Sforza con Beatrice d’Este e de Alfonso d’Este con Anna Sforza.

L’afresco rafiguâ a-o centro a Madònna in “maestæ” co-o Banbin, con a-i lâti San Domennego e San Piêtro Martire i quæ prezentân o Biou Raimondo da Capua, rafiguou inzenogiou e orante in faccia a-o tröno.

Segondo quànte l’è riportou in scio libretto da baxilica de Santa Maria de Castello into milleneuveçentodexe, o dipinto o l’êa servio into milleuttoçentonovanteneuve pe-a caoza de beatificaçión de Raimondo da Capua quæ prêuva do sò cùlto “”ab immemorabili”, òscîa a confèema do sò cùlto inte l’antighitæ.

Foto di Marc Tanzi photographe

Didascalia: Madònna co-o Banbin de Lorenzo Fasolo (Pavia 1463 – Genova 1518),

Zena, gêxa de Santa Maria de Castéllo